蒸海鮮套餐都有幾款揀，豐儉由人，我哋就揀咗翡翠海中寶套餐$398，先食蒸海鮮，再由冬瓜盅湯底打邊爐，一鍋二食，都幾吸引㗎！
店員首先會放在冬瓜盅原材料，冬瓜、金華火腿、排骨、冬菇粒等等，之後就可以飲到一碗鮮甜嘅冬瓜盅湯(ゝ∀･)
第一樣食嘅就係黑松露蒸蛋，我覺得店員拿捏火候同時間都好精準，因為蒸蛋非常滑嘟嘟，超級水嫩，而且蛋香十足，店員將雞蛋蒸至半熟嘅時候，再加上黑松露去蒸，食嘅時候黑松露味四溢，簡單嘅蒸蛋都變得好味(´・ω・`)～
之後店員就幫我地蒸海中蝦同沙包蜆，海蝦口感彈牙，都幾新鮮，而沙包蜆，味道鮮甜，每粒都好飽滿，食落乾淨，完全冇沙粒(≧∀≦)ゞ
大連鮑魚水準高，簡單地鋪上蟲草花一齊去蒸，蟲草花增加口感之餘，更加帶出鮑魚嘅鮮味，鮑魚大隻厚肉，都幾有咬口！ σ(´∀｀*)
花蟹肉質鮮嫩，味道鮮甜，蟹膏甘香(*´з｀*)
蒸日本元貝係超級大隻同 好厚肉架，口感彈牙，仲加左蒜蓉同粉絲去蒸，味道更惹味，一定要食埋啲粉絲，因為索晒元貝既精華 (*´з｀*)
另外蒸貴蚌都好正，肉質軟腍，好有咬口，味道新鮮!!(›´ω`‹ )
食到呢度，就可以飲一碗原汁原味嘅冬瓜盅湯，我覺得幾清甜，而且略帶咸香！
飲完湯就可以開始打邊爐，火鍋嘅配料有豬腩片、手打四寶丸、美國筒蠔、同菜 ~
豬腩片肉味很濃，肉質頗腍，而且唔會話好肥 (｡•ㅅ•｡)♡
美國筒蠔好大隻，煮完之後依然脹卜卜，十分肥美 ε≡ﾍ( ´∀`)ﾉ
手打四寶丸只有4粒，如果每一款手打丸都有兩粒，咁每人都可以食晒4款既手打丸～手打丸分別有蝦丸、墨魚丸、豬肉丸同鯪魚肉，蝦丸、墨魚丸爽彈，而且都好足料 ~
最後食埋紅豆沙做甜品，我哋都覺得好滿足ε≡ﾍ( ´∀`)ﾉ~
有蒸氣 海鮮石鍋專門店
地址:尖沙咀天文臺圍5-9號寶軒酒店1樓
想知多d有咩好食好玩同扮靚既資訊，快d follow我下面其他channel啦:)
聯絡/ 邀請/ 合作試用:
Email: puishanlee0429@gmail.com
Facebook: 娜娜飄流記 Nana’s diaryyy｜Instagram:nanapuishan｜Openrice:Foodsharingnana ｜Ublog｜Blogspot｜TheZtyle｜WeShare｜Beauty Exchange｜Qooza｜Pixnet | Girlab
沒有留言:
張貼留言