【飲食】高質既日本料理

朋友想食日本野,又想坐得舒服啲,我哋就揀咗位於尖沙咀嘅花木,覺得呢度幾好環境都幾舒服,食材都幾新鮮! (*゚∀゚*)




前菜叫左胡麻菠菜油揚沙律,菠菜沙律好好食,菠菜沙律爽口, 豆皮就比較淋身,再加上開胃嘅胡麻醬,都唔錯㗎(`・ω・´)







香蔥吞拿魚腩蓉薄脆,吞拿魚腩蓉充滿魚油香,拌勻香蔥絲,令味道豐富啲,魚蓉份量都幾多,唔洗就住食~將吞拿魚腩蓉放上薄脆上一齊食,軟滑嘅魚蓉再加上脆卜卜嘅米餅,都幾特別(σ′▽‵)′▽‵)σ








築地壽司8本 
分別有池魚、拖羅、帆立貝、三文魚籽、牡丹蝦、玉子、三文魚等等,壽司擺盆好精美,我食咗其中幾件,牡丹蝦口感軟糯爽口,三文魚籽咸咸香香,帆立貝肥美鮮甜,拖羅都好肥美呢!(●´ω`●)ゞ







 清酒煮大蜆, 大蜆散發住清酒味,粒粒乾淨冇晒又彈牙 (›´ω`‹ )




自家製免治雞肉串好好味,雞肉燒到香噴噴,幾有咬口,可以點埋雞蛋(・ε・)






 和風野菜炒麵炒得好香,炒麵汁幾濃郁,又唔會過鹹,麵條彈口,雖然得野菜,但係野菜款式都幾多,所以都幾好食 (=´ω`=)




沖繩豚肉炒苦瓜,豬肉片幾嫩,但對我來講苦瓜就有啲苦,但朋友覺得幾好~~


呢餐同朋友食得幾開心,可以慢慢傾計,侍應都好好服務,會主動幫我哋添水架(っ´ω`c)


花木日本料理
地址:尖沙咀天文台道8號3樓2號舖

想知多d有咩好食好玩同扮靚既資訊,快d follow我下面其他channel啦:)聯絡/ 邀請/ 合作試用:


Email: puishanlee0429@gmail.com
Facebook: 娜娜飄流記 Nana’s diaryyy|Instagram:nanapuishan|Openrice:Foodsharingnana |UblogBlogspotTheZtyleWeShareBeauty ExchangeQoozaPixnet | GirlabGirlssss大眾點評小紅書

nanapuishan

沒有留言:

張貼留言

Instagram