—先來中吞魚子醬，將中吞羅拍打成蓉，非常鮮嫩，上面放上矜貴既魚子醬～中吞羅軟綿即溶，魚子醬亦增添了口感
左口魚刺身非常好食，先食左邊既薄肉，再食加邊既群邊，點上酸汁食，味道更有層次，本身魚味唔算太特出，但燒完後，魚味香溢，還滲透住魚油！
赤貝爽口，帶有海水味，好新鮮呢！
北海道既牡丹蝦，蝦肉爽口結實，仲食得出鮮甜既味道！
牡丹蝦將蝦頭炸起，炸到脆卜卜，十分香口，而且可以原個蝦頭吃掉！！
生蠔配鮟鱇魚肝～生蠔新鮮肥美，帶點creamy既口感，醬汁令生蠔更開胃。鮟鱇魚肝既食法好特別，好似食漢堡包咁，上下用威化餅夾住，一咬落去，外脆內軟，鮟鱇魚肝軟綿，再帶點魚油，咸香十足，口感豐富！
第一次食毛蟹啫哩，蟹肉同毛蟹啫哩拌勻食，味道清新，酸酸甜甜咁，加上北海道毛蟹肉質很甜～
燒吞拿魚好肥美，有多油，一路食就滴住Ｄ油！燒吞拿魚魚鮫彷彿係口腔內一瞬即溶！！師傅仲將紫菜輕輕燒過，令紫菜變得香脆～
煮黑目鯛魚鮫，我覺得醬汁整得岩岩好，唔會過咸，甜甜地，但好入味，魚鮫入面仲有好多魚肉！
金目鯛壽司較爽身
中拖羅壽司肥美，帶有濃濃既魚味～
竹簽魚燒完很香呢！
三文魚籽，上面輕輕用灑上檸檬，令味道清新，更有層次，三文魚籽晶瑩剔透，卜卜口感，還富有咸香！
海膽超好食，鮮甜好creamy!
油口魚邊，燒完之後，帶點微溫，有很濃既魚香，入口即溶！
中拖手卷，同樣將魚肉輕輕拍成蓉，令魚味更出～
奶白色既魚湯，入面仲有魚肉，飲完已經好滿足！
甜品好特別，係芝麻雪糕同香脆既忌廉芝士紅豆卷，紅豆卷炸到唔油膩，幾好味，而芝麻雪糕亦都好香濃！
整體黎講，一個set$1280包含咁多樣食，味道又好食，環境舒服，服務亦好好，性價比好高呢！
壽司藝
地址：大坑浣紗街九號地下
想知多d有咩好食好玩同扮靚既資訊，快d follow我下面其他channel啦:)
聯絡/ 邀請/ 合作試用:
Email: foodsharingnana@gmail.com
Facebook: 娜娜飄流記 Nana’s diaryyy｜Instagram:nanapuishan｜Openrice:Foodsharingnana ｜Ublog｜Blogspot｜TheZtyle｜WeShare｜Beauty Exchange｜Qooza｜Pixnet | Girlab
沒有留言:
張貼留言