天文台又話轉涼既，都仲係咁熱既，7月點算😭😭

早排同朋友去左小肥牛打邊爐，試左佢地既「鮑李滿粥套餐」每位$198(2位起)❤️

(星期一至四，酸菜，醬油雜項，加一全免）

-每位包了：黑翡翠鮑魚1/4隻，斑片2片，蝦2隻，蟹半隻，沙白＆貝殼各5粒🔍

整體海鮮新鮮，海蝦非常生猛，黑鮑魚爽口有咬感，貝類肥美冇沙。

另外可以揀6款火鍋配料，我就揀左黑毛豬梅肉片、墨魚丸、雞件、枝竹、豬頸肉、金菇菜。

雞件烚完有少少鞋口～

個人推介黑毛豬梅肉片同墨魚丸！

墨魚丸唔係用機打架，上面仲有D蟹子:3

黑毛豬梅肉片，肉味重，淥一陣就okay!

套餐最特別既地方就係用左健康粥做湯底，太健康既關係我覺得冇乜味☠️比較淡😂😂😂

食到後期可以加白粥膽、粟米、南瓜粒、芋頭粒

另有一大堆伴粥既配料，如冬菜、菜脯粒、蔥花等等，等一陣就可以煮成一碗原汁原味既鮮甜白粥，吸晒所有海鮮既精華～～

我專登將隻蟹留到最後，煮成蟹粥:P不過就食到隻手好污髒～～