今晚黎左La Postre 食飯， 一開升降機門就見到搶眼既藍色招牌
未入餐廳內，就已經被它的牆身所吸引。
店鋪寧靜有格調，環境幽暗，頗適合情侶黎撐枱腳。我黎個時晚上6點半左右，入座率不高。店員安排左我地坐窗口位置，窗口邊放左不同大大小小既擺設，好可愛。
還有其他的擺設，摩天輪，屋仔模型，可見餐廳既用心。
餐桌上仲有一張50歐元既餐紙巾，幾可逼真～
芝士煎蟹餅($168＋10%)
份量不多，大概係我一隻手既size，但食得有驚喜。厚實既芝士煎蟹餅上面鋪滿木魚碎，熱力令木魚碎不斷擺動。
6隻既松葉蟹腳好似同我招緊手咁，而家打緊文都好想再食～
蛋餅一切開，雞蛋呈半流心，蛋味十足，而且芝士做到拉絲效果，味道帶點咸香！
近寫 ！蛋餅入面有薯仔粒，火腿，芝士同少量蟹肉，口感豐富。放耐左，蛋餅會變得實左～熱食吸引得多!:P
芝士龍蝦忌廉意粉($168＋10%)
芝士龍蝦忌廉意粉，龍蝦開邊放係意粉上，碟盤邊有香料同櫻花蝦。
龍蝦用左芝士去焗，新鮮啖啖肉，龍蝦味重，而且芝士意粉非常creamy，芝士醬香濃杰稠，充分包住每一條意粉，令我一啖又一啖咁食落肚。
西班牙豬手($388＋10%)
大大份既豬手，覺得樣子不討好，咁樣睇真係睇唔出呢碟係豬手。
來個側寫，只要撥開配菜便可見主角豬手，有種寶物沉歸底既感覺！大量既配菜同醬汁鋪滿了豬手。
豬手非常酥脆，咬落去索索聲，縱然淋上了醬汁，亦無損佢既脆口度。而且微酸既西班牙醬汁非常開胃，亦可自行倒上蜜糖，覺得不用倒太多都已經很夠味！豬手肉質嫩滑，而店員亦都好細心切好晒個豬手，讚～like it
什果麻糬窩夫(Full $138)
窩夫用上了麻糬而成，其特別之處在於口感煙煙靭靭，外脆內軟，再用上各種不同新鮮既水果，無花果、奇異果、雜莓等，綠茶雪糕回甘味不太重~
有一小瓶既蜜糖比食客自行淋上，男朋友幫我用蜜糖寫上NANA二字，唔洗食都知呢個窩夫一定sweet到爆，haha
仲夏水果茶($46＋10%)
鮮雜果莫希托($78＋10%)
兩杯飲品用左大量既水果而成，很清新，後者鮮雜果莫希托比前者較為有汽，但真心覺得貴左d，仲夏水果茶比較抵飲小小。
很喜歡呢度既寧靜，環境舒適，亦都很喜歡呢度既食物，雖然覺得整體價格有D貴，但就食得開心。如果同情侶慶祝生日，亦不失為一個好選擇:)
餐牌
/
餐廳資料： La Postre
地址：銅鑼灣銅鑼灣耀華街3-9號百樂中心19樓
營業時間： 星期一至日: 12:00-23:00
____________________________________________
想知多d香港有咩好食好玩既資訊，快d follow我下面其他channel啦💕
地址：銅鑼灣銅鑼灣耀華街3-9號百樂中心19樓
營業時間： 星期一至日: 12:00-23:00
____________________________________________
想知多d香港有咩好食好玩既資訊，快d follow我下面其他channel啦💕
聯絡/邀請:
Blogspot: https://nanasdiaryyy.blogspot.hk/
沒有留言:
張貼留言