今次呢間餐廳岩晒食肉獸，2小時既燒肉海鮮放題！有任食燒肉同海鮮，各樣既刺身同壽同🍣，不同既小食炸物、仲有冷盤熱食。

而家晚市放題每位送「尚鮮浜燒」海鮮拼盤一份。海鮮拼盤包括燒蠔、虎蝦、蟹、活鮑魚、蟹噌甲羅燒等，蟹噌甲羅燒到香噴噴，咸香四溢👅

食材都好新鮮，一掂個鮑魚就會自己縮～

燒肉方面：食物都幾多選擇，一口牛、牛仔骨、原條腩條、五層肉等等，質素頗有驚喜。因為不想太浪費，我每次點既份數都係1-4件內

🐙海鮮方面有清酒煮蜆、燒蠔、虎蝦、鯖魚等等，都幾新鮮架，鮮味十足。一次過點左好多蠔:P

食肉食到濟濟地，可以叫個生菜籃🌱包住D肉食，再戰下一回合。

當然少不了就係狂叫刺身🐠北寄貝、八爪魚、帶子都係我最愛！

識我既人都知我最中意食煎炸野，芝士年糕、炸蠔都走唔出我手掌心😂！

佢地既甜品選擇唔算多，但一人有盒movenpick雪糕❤️❤️

以2小時任食既燒肉海鮮放題黎講，質素算中上，一次過可以食到燒肉、海鮮同刺身，不過時間有點緊拙，隻手一路燒個口一路冇停過，雖然係任食放題，但食得晒先好叫，唔好做大晒鬼！😝
.
價錢收費:
星期一至四|每位$278
星期五六日、公眾假期及前夕|每位$298 (另收加一，需前一日訂座)