每次行世貿，都一定見到牛涮鍋出面大排人龍，今次終於同朋友排隊去食喇。其實都等左一段時間先有位，但大家傾下計行陣街時間就好快過。



牛涮鍋晚市主打90分鐘日式火鍋放題，價錢由依據揀既套餐而有所不同，價錢由$158-$388。今期做緊鹿兒島夏祭既推廣，有得食鹿兒島豚肉，所以同朋友揀左2個套餐A($258)，包左6款肉任食，有鹿兒島豚肉、丹麥豚肉、美國雞腿肉、美國進口牛肉、美國上級進口牛肉同美國特上牛小排。






湯底我揀左蕃茄湯之餘，我仲揀左新既花見湯湯底。

一上湯底就覺得花見湯好香，見到入面用左櫻花蝦、火腿、娃娃菜等食物烹調，湯底味道幾湯甜，之後我地就係咁叫肉食喇。

個人幾推介鹿兒島豚肉同美國特上牛小排!

美國特上牛小排，牛味幾濃架，而且淥完唔會好韌同鞋恰恰。



之後就拎埋其他食材打邊爐！配料一眼睇晒，其實都不外乎丸類同菜類～







餃子同芝士魚蛋同超正~~仲有麻吉燒都係我最愛呀~~



飲品機，除左汽水外，仲有芒果汁、蘋果汁等…



而每一次食呢d放題我最期待既環節就係食甜品喇！

甜品有泡芙、大福、紫薯芝士蛋糕等！乳酪雪糕仲多左蜜瓜味，好清新同有驚喜。



最後送左個手機支架比我地，好似黎食「鹿兒島夏祭放題」都會每人送一個。

我覺得牛涮鍋既食物真係唔錯，不過食得晒先好叫，唔好浪費食物:)