【飲食】食物質素唔錯 但服務有待改善 | Carlo Riva

有D同事黎過食lunch,午餐套餐大約$100~,評價唔錯,去前我地事先都查詢過,所以今次我地一行5人就揀左呢間餐廳食lunch。

不過原來餐廳咁岩轉左餐牌,午餐由$168-$688,睇完餐牌嚇一跳,灣仔係一個商業區,普遍打公仔都係得1-1.5小時食飯,我諗冇好少人會係午飯時間揀$688既餐。




原先想點燒法國走地黃油春雞$188,12點幾已經冇晒,有D誇張~~ (後來得知係入貨量唔夠),礙於時間同價錢關係,我地最後揀左5個和牛漢堡包set$168,包左任食前菜、湯、主菜、甜品同飲品。



廚房採用左開放式,所以對於入面既環境一目了然。


前菜選擇都幾多,質量好好,但時間不夠,只吃了少少~

 係溫泉蛋,精緻小巧夠滑~

以為平平無奇,原來係芒果蟹肉沙律,右手邊好似係薯仔粒~

有青口、煙三文魚

3款唔同既Parma Ham

師傅做慣fine dining,所以連擺盤都好有好機。呢張相影得唔好,師傅將每一條菜整整齊齊既鋪好,先撤芝士粉同麵包粒~

簡單黎D前菜~


之後有一個蘑菇湯,超級足料,啖啖蘑菇蓉同香,完全真材實料!飲完好想飲第二碗。

上菜速度好快,轉眼間我地既和牛漢堡包就整好喇~~和牛漢堡好大個,我食左半個已經好飽。聽老闆講佢地既和牛漢堡分別用左日本同美國既和牛,因為日本和牛牛味香,但肉味淡;相反美國既和牛肉味就比較好,所以老闆用左呢2隻和牛去整喇。




師傅拿掐烹調既時間非常準確,和牛唔會過生或過老。
我點既係7成熟和牛,見到牛肉帶點略紅,冇overcook呢個情況出現~

同事就點左5成熟,亦都相當唔錯~



最後就係食甜品喇~
乳酪有3隻味,芝士蛋糕都有2款,質地軟為軟身,芝士味都頗濃。


仲有d水果同曲奇


 
有各式各樣既麵包~

乳酪我揀左平時少食既熱情果味道


一壺earl grey就結束今日既午餐~ 真係好豐盛,但無奈食飯時間唔夠長,未能盡情享用~



閒談間,老闆同我地傾計,知道佢地點解今個月由快餐改番做fine dinning,因為廚師們都係做慣fine dinning,係烹調時間同擺盤都比較需時,希望可以煮D有質素既食物比客人享用~


講到服務質素方面,希望餐廳可以有待改善。我地覺得員工唔夠細心,反應唔夠好。其實員工多次經過我地既餐桌,但都冇意欲幫我地清理餐桌,有失雅興,期望下次黎會更好。

餐廳資料:Carlo Riva 
地址:灣仔克街1號地舖
__________________________________________
想知多d香港有咩好食好玩既資訊,快d follow我下面其他channel啦:)
聯絡/邀請:
Email: foodsharingnana@gmail.com

Nana Lee

沒有留言:

張貼留言

Instagram