Pages

【飲食】可以當生日蛋糕既「刨冰蛋糕」| Joo de Rolls

0 Comments
如果話「少女情懷總是詩」，咁夏天一定係「少女夏天總愛冰」，身邊的女仔朋友大多中意食甜品，係炎炎夏日之下，我幾乎日日都會食雪糕/雪條。早排係網上見到呢個餐廳有好特別既刨冰甜品，好吸引，所以相約朋友們一齊黎。


我地已經預先食左D野食打底，所以淨係叫左一樣咸食。
Bagel ($78) 


就咁睇以為好普通，平平無奇，但味道比我想像中好得多！bagel既餡料有煙三文魚、洋蔥、牛油果等。麵包煙韌有咬口，食半個已經有飽肚感。而且有好香芝士味呀，再點小小千島醬就更滋味。

欣賞千島醬係另外用一小碗仔盛著，因為唔係個個都人都中意食千島醬。


Churros Combo ($88)
中式既油炸鬼就成日食，西式既油炸鬼就真係好少食。呢一款係西班牙油條再配海鹽焦糖雪糕，有3條西班牙油炸鬼，肉桂味幾重，而且灑滿晒糖粒仲幾脆口，可以點住雪糕黎食。雪糕有濃濃既奶香，佢既焦糖漿幾特出，層次分明，不過食churros都幾飽肚～～

將churros點住雪糕食又另一番風味~


Mango shaved ice cake($88) 

我係衝住呢個甜品而黎食架，驟眼睇會以為係普通既忌廉蛋糕，但其實係刨冰蛋糕黎架，我覺得可以擺枝蠟燭當生日蛋糕呀～～

蛋糕上面有好多香甜既芒果，而且鋪滿左勁多香滑既cream，如果怕肥既人都係唔好叫呢個甜品呀，因為非常邪惡呀。



刨冰質地唔算幼細，入口都會即溶，不過覺得芒果醬有啲唔夠，食落有D冇味，但勝在可以撈cream食。我覺得呢個刨冰蛋糕幾好食，但cream食得多都會好濟，所以4個人分就最好呀(๑´ㅂ`๑)

Creme brûlée shaved ice with churros ($78) 
係焦糖燉蛋味既刨冰，覺得比起芒果冰更濃味，甜度都唔會話太甜。
cream上都有個焦糖脆面，多番少少口感。


刨冰中間都有啲焦糖漿，所以食到底都唔會冇味，churros可以點住cream/刨冰黎食，不過我覺得點雪糕會更好味~


最後仲有2杯飲品，一杯係Iced matcha latte ($52)，另一杯係matcha smoothie($58)，多數每一枱幾乎都係叫呢2杯野飲。

matcha smoothie 奶味好濃烈，而且打得好幼滑，同朋友都好中意呢杯。

餐牌










餐廳資料：Joo de Rolls 
地址：尖沙咀彌敦道100號The ONE 4樓L408號舖
__________________________________________
想知多d香港有咩好食好玩既資訊，快d follow我下面其他channel啦:)
聯絡/邀請:
Email: foodsharingnana@gmail.com

nanapuishan

沒有留言:

張貼留言

Instagram